Hello ಸ್ನೇಹಿತರೇ, ನಮಗೆ ಕಾಯಿಲೆ ಬಂದಾಗಲೆಲ್ಲ ಆಸ್ಪತ್ರೆಗೆ ಹೋದರೆ ಅಲ್ಲಿನ ವೈದ್ಯರು ನಿಮ್ಮ ಹಳೆಯ ಆರೋಗ್ಯ ವರದಿ ಕೇಳುವುದು ಸಹಜ. ಆದ್ರೆ, ಪ್ರತಿ ಬಾರಿಯೂ ನಮ್ಮ ಆರೋಗ್ಯ ವರದಿಗಳನ್ನ ಒಯ್ಯಲು ಸಾಧ್ಯವಾಗದೇ ಇರಬಹುದು. ತುರ್ತು ಸಮಯದಲ್ಲಿ ಆರೋಗ್ಯ ದಾಖಲೆಗಳ ನೀಡದೇ ನಮ್ಮಲ್ಲಿ ಹಲವರು ತೊಂದರೆಗೀಡಾಗಿದ್ದಾರೆ.
ಆದ್ರೆ, ಈ ಸಮಸ್ಯೆಗೆ ಪರಿಹಾರವಾಗಿ ಕೇಂದ್ರ ಸರ್ಕಾರ ಹೊಸ ಯೋಜನೆ ತಂದಿದೆ. ಇದುವೇ ‘ABHA ಕಾರ್ಡ್’ ಅಂದ್ರೆ, ಆಯುಷ್ಮಾನ್ ಭಾರತ್ ಆರೋಗ್ಯ ಕಾರ್ಡ್ ಇದಾಗಿದೆ.
ಅಭಾ ಕಾರ್ಡ್’ನ್ನ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಅಡಿಯಲ್ಲಿ ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ ಪರಿಚಯಿಸಿದೆ. ಇದನ್ನ ಆಯುಷ್ಮಾನ್ ಹೆಲ್ತ್ ಐಡಿ ಅಥವಾ ಆಯುಷ್ಮಾನ್ ಭಾರತ್ ಹೆಲ್ತ್ ಅಕೌಂಟ್ ಎಂದು ಜನಪ್ರಿಯವಾಗಿ ಕರೆಯಲಾಗುತ್ತದೆ. ಇದನ್ನ ಪಡೆದುಕೊಳ್ಳುವ ಮೂಲಕ 5 ಲಕ್ಷ ರೂಪಾಯಿ ಆರೋಗ್ಯ ವಿಮೆಯನ್ನ ಪಡೆಯಬಹುದು.
abha health card information in kannada
ABHA ‘ಹೆಲ್ತ್ ಕಾರ್ಡ್’ ಎಂದರೇನು?
ABHA ಕಾರ್ಡ್ ಒಂದು ಅನನ್ಯ 14 ಅಂಕಿಗಳ ಆರೋಗ್ಯ ID ಆಗಿದ್ದು, ಅದನ್ನು ಆಧಾರ್ ಕಾರ್ಡ್ ಅಥವಾ ಮೊಬೈಲ್ ಸಂಖ್ಯೆಯನ್ನ ಬಳಸಿಕೊಂಡು ರಚಿಸಬಹುದು. ಈ IDಯ ಬಳಕೆದಾರರು ತಮ್ಮ ಆರೋಗ್ಯ ದಾಖಲೆಗಳನ್ನ ವಿಮಾ ಪೂರೈಕೆದಾರರು, ಆಸ್ಪತ್ರೆಗಳು ಮತ್ತು ಚಿಕಿತ್ಸಾಲಯಗಳೊಂದಿಗೆ ಡಿಜಿಟಲ್ ಆಗಿ ಹಂಚಿಕೊಳ್ಳಬಹುದು. ABHA ಕಾರ್ಡ್ ದಸ್ತಾವೇಜನ್ನ ಮತ್ತು ವೈದ್ಯಕೀಯ ವರದಿಗಳನ್ನು ನೋಡಿಕೊಳ್ಳುವುದರಿಂದ ನಮ್ಮನ್ನ ಉಳಿಸುತ್ತದೆ. ಈ 14 ಅಂಕೆಗಳ ಸಂಖ್ಯೆಯು ನೀವು ಎಲ್ಲಿದ್ದರೂ ನಿಮ್ಮ ವೈದ್ಯಕೀಯ ದಾಖಲೆಗಳಿಗೆ ಪ್ರವೇಶವನ್ನ ನೀಡುತ್ತದೆ. ಇದರಿಂದ ವೈದ್ಯರು ನಮ್ಮ ಆರೋಗ್ಯ ಸ್ಥಿತಿಯನ್ನ ತಿಳಿದುಕೊಳ್ಳಲು ಉಪಯುಕ್ತವಾಗಿದೆ.
ABHA ‘ಹೆಲ್ತ್ ಕಾರ್ಡ್’ ಪಡೆಯುವುದು ಹೇಗೆ.?
ABHA ಕಾರ್ಡ್’ನ್ನ ಆನ್ಲೈನ್ನಲ್ಲಿ ಸಂಪೂರ್ಣವಾಗಿ ಉಚಿತವಾಗಿ ಪಡೆಯಬಹುದು. ABHA ಕಾರ್ಡ್ ಪಡೆಯಲು ಈ ಹಂತಗಳನ್ನ ಅನುಸರಿಸಿ
ಹಂತ 1 : ABHA ಕಾರ್ಡ್ ಮೊದಲು ವೆಬ್ಸೈಟ್ https://healthid.ndhm.gov.in ಗೆ ಹೋಗಿ
ಹಂತ-2 : ವೆಬ್ಸೈಟ್ನಲ್ಲಿ ಕ್ರಿಯೇಟ್ ಅಭಾ ಸಂಖ್ಯೆಯನ್ನು ಕ್ಲಿಕ್ ಮಾಡಿ
ಹಂತ-3 : ನಮ್ಮ ಮುಂದೆ ಡಿಸ್ಪ್ಲೇ ಆಗುವ ಆಯ್ಕೆಗಳಲ್ಲಿ ಯೂಸಿಂಗ್ ಆಧಾರ್ ಮೇಲೆ ಕ್ಲಿಕ್ ಮಾಡಬೇಕು.
ಹಂತ-4 : ನಂತರ ನಮ್ಮ ಅರ್ಜಿಯನ್ನ ಸಲ್ಲಿಸಲು ಆಧಾರ್ ನಮೂದಿಸಿ ಮತ್ತು ‘ನಾನು ಒಪ್ಪುತ್ತೇನೆ’ ಟ್ಯಾಬ್ ಕ್ಲಿಕ್ ಮಾಡಿ.
ಹಂತ-5 : ಅದರ ನಂತರ, ನಮ್ಮ ಫೋನ್ಗೆ OTP ಕಳುಹಿಸಲಾಗುತ್ತದೆ. ಅದನ್ನು ನಮೂದಿಸಿ ಮತ್ತು ಸಲ್ಲಿಸಿ ಮತ್ತು ಇನ್ನೊಂದು ಹೊಸ ಪುಟ ತೆರೆಯುತ್ತದೆ.
ಹಂತ-6 : ಆ ಪುಟದಲ್ಲಿ ಪ್ರದರ್ಶಿಸಲಾದ ವಿವರಗಳನ್ನು ಸರಿಪಡಿಸಿ ಸಲ್ಲಿಸಿದರೆ, ಮತ್ತೊಂದು ಹೊಸ ಪುಟ ತೆರೆಯುತ್ತದೆ.
ಹಂತ-7 : ಈ ಪುಟದಲ್ಲಿ ನಮ್ಮ ಇಮೇಲ್ ವಿಳಾಸದ ಹೆಸರಿನೊಂದಿಗೆ ಹೊಸ ಆರೋಗ್ಯ ಖಾತೆಯನ್ನು ರಚಿಸಲಾಗುತ್ತದೆ. ನಂತರ ನಾವು ನಮ್ಮ ಫೋಟೋದೊಂದಿಗೆ ABHA ಕಾರ್ಡ್ ಅನ್ನು ಡೌನ್ಲೋಡ್ ಮಾಡಬಹುದು.
ಈ ಸರಳ ಹಂತಗಳೊಂದಿಗೆ ನೀವು ನಿಮ್ಮ ABHA ಕಾರ್ಡ್ ಪಡೆಯಬಹುದು.
ABHA ಕಾರ್ಡ್‌ನ ಪ್ರಯೋಜನಗಳೇನು? | What are the benefits of ABHA?
- ಪರೀಕ್ಷೆಗಳು, ರೋಗನಿರ್ಣಯಗಳು, ಔಷಧಿ ಪ್ರಿಸ್ಕ್ರಿಪ್ಷನ್‌ಗಳು ಮುಂತಾದ ನಿಮ್ಮ ಎಲ್ಲಾ ವೈದ್ಯಕೀಯ ಮಾಹಿತಿಯನ್ನು ನೀವು ಕೆಲವೇ ಕ್ಲಿಕ್‌ಗಳಲ್ಲಿ ಪ್ರವೇಶಿಸಬಹುದು.
- ನಿಮ್ಮ ವೈದ್ಯಕೀಯ ದಾಖಲೆಗಳನ್ನು ನೀವು ಆಸ್ಪತ್ರೆಗಳು, ಚಿಕಿತ್ಸಾಲಯಗಳು, ವೈದ್ಯರು ಇತ್ಯಾದಿಗಳೊಂದಿಗೆ ಸುಲಭವಾಗಿ ಹಂಚಿಕೊಳ್ಳಬಹುದು. ಹೀಗಾಗಿ, ನೀವು ಹೊಸ ಸ್ಥಳಗಳಲ್ಲಿಯೂ ಸಹ ವೈದ್ಯಕೀಯ ಆರೈಕೆಯನ್ನು ಪಡೆಯಬಹುದು.
- ನೀವು ಹೆಲ್ತ್‌ಕೇರ್ ಪ್ರೊಫೆಷನಲ್ ರಿಜಿಸ್ಟ್ರಿ (HPR) ಅನ್ನು ಪ್ರವೇಶಿಸಬಹುದು, ಇದು ಭಾರತದ ಎಲ್ಲಾ ವೈದ್ಯರ ವಿವರಗಳ ಸಂಕಲನವಾಗಿದೆ.
- ಭಾರತದಲ್ಲಿನ ಎಲ್ಲಾ ಸರ್ಕಾರಿ ಮತ್ತು ಖಾಸಗಿ ವೈದ್ಯಕೀಯ ಸೌಲಭ್ಯಗಳ ಪಟ್ಟಿಯಾಗಿರುವ ಹೆಲ್ತ್ ಫೆಸಿಲಿಟಿ ರಿಜಿಸ್ಟ್ರಿ (HFR) ಅನ್ನು ಸಹ ನೀವು ಪ್ರವೇಶಿಸಬಹುದು.
- ಆಯುಷ್ ಚಿಕಿತ್ಸಾ ಸೌಲಭ್ಯಗಳಲ್ಲಿಯೂ ಈ ಕಾರ್ಡ್ ಮಾನ್ಯವಾಗಿದೆ. ಚಿಕಿತ್ಸೆಗಳಲ್ಲಿ ಆಯುರ್ವೇದ, ಯೋಗ ಮತ್ತು ಪ್ರಕೃತಿ ಚಿಕಿತ್ಸೆ, ಯುನಾನಿ, ಸಿದ್ಧ ಮತ್ತು ಹೋಮಿಯೋಪತಿ ಸೇರಿವೆ.
