ಈ ತಿಂಗಳು ಜಗತ್ತು ಎರಡೆರೆಡು ಖಗೋಳ ಅದ್ಭುತಕ್ಕೆ ಸಾಕ್ಷಿಯಾಗಲಿದೆ. ಮೊದಲು ʻರಿಂಗ್ ಆಫ್ ಫೈರ್’ ಎನ್ನುವ ವಾರ್ಷಿಕ ಸೂರ್ಯಗ್ರಹಣ ಉಂಟಾದರೆ ಕೆಲವೇ ದಿನಗಳ ಅಂತರದಲ್ಲಿ ಚಂದ್ರಗ್ರಹಣ ಕೂಡ ನಡೆಯಲಿದೆ. ಗ್ರಹಣ ಅಂದರೆ ಹಿಂದೆ ಮೌಢ್ಯದ ಪರಿಕಲ್ಪನೆ ಇತ್ತು, ಹಾಗಂತ ಈ ಮನೋಭಾವ ಸಂಪೂರ್ಣ ಬದಲಾಗಿಲ್ಲ.
ಸುರಕ್ಷಿತವಾಗಿ ಗ್ರಹಣ ವೀಕ್ಷಿಸಿ: ಯಾರು ಈ ಗ್ರಹಣ ಸಂಭವಿಸುತ್ತಿರುವ ಭಾಗದಲ್ಲಿದ್ದೀರೋ ಅವರು ಈ ಗ್ರಹಣವನ್ನು ನೋಡವ ಅವಕಾಶವಿದೆ. ಗ್ರಹಣವನ್ನು ಬರಿ ಗಣ್ಣಿನಲ್ಲಿ ವೀಕ್ಷಿಸುವುದಕ್ಕಿಂತ ಸೌರ ವೀಕ್ಷಣೆಗಾಗಿ ವಿನ್ಯಾಸಗೊಳಿಸಲಾದ ವಿಶೇಷ ಕಣ್ಣಿನ ರಕ್ಷಣೆಯಿಂದ ವಾರ್ಷಿಕ ಸೂರ್ಯಗ್ರಹಣವನ್ನು ಕಣ್ತುಂಬಿಕೊಳ್ಳಿ. ಗ್ರಹಣ ಸಂಭವಿಸುವ ಸಮಯದಲ್ಲಿ ಸೂರ್ಯನನ್ನು ನೇರವಾಗಿ ನೋಡುವುದು ಎಂದಿಗೂ ಸುರಕ್ಷಿತವಲ್ಲ. ಹೀಗಾಗಿ ಮುನ್ನೆಚ್ಚರಿಕೆ ಕ್ರಮ ತೆಗೆದುಕೊಳ್ಳಿ.
ಇದೇ ತಿಂಗಳ ಚಂದ್ರಗ್ರಹಣ ಸಂಭವ: ಇನ್ನೂ ಇದೇ ತಿಂಗಳ ಹದಿನೈದು ದಿನಗಳ ಅಂತರದ ಅವಧಿಯಲ್ಲಿ ಚಂದ್ರಗ್ರಹಣ ಕೂಡ ಸಂಭವಿಸಲಿದೆ. ಎರಡನೇ ಮತ್ತು ಕೊನೆಯ ಚಂದ್ರಗ್ರಹಣವು ಅಕ್ಟೋಬರ್ 28, 29 ರಂದು ನಡೆಯುತ್ತದೆ. ಈ ಗ್ರಹಣ ಭಾರತದಲ್ಲಿ ಸಂಭವಿಸಲಿದೆ, ಚಂದ್ರನು ಭಾರತೀಯ ಕಾಲಮಾನ 1.06 ಮತ್ತು 2.23ರ ನಡುವೆ ಭೂಮಿಯ ನೆರಳಿನ ಮೂಲಕ ಹಾದುಹೋದಾಗ ಭಾಗಶಃ ಚಂದ್ರಗ್ರಹಣ ಸಂಭವಿಸುತ್ತದೆ.
ಸೂರ್ಯಗ್ರಹಣ 2023: ದಿನಾಂಕ ಮತ್ತು ಸಮಯ
ದಿನಾಂಕ: ಅಕ್ಟೋಬರ್ 14ರ ಶನಿವಾರ
ಆರಂಭದ ಸಮಯ: ರಾತ್ರಿ 8:34
ಅಂತ್ಯದ ಸಮಯ: ರಾತ್ರಿ 2:25
ಭಾರತದಲ್ಲಿ ಸೂರ್ಯ ಗ್ರಹಣ ವೀಕ್ಷಣೆ ಸಾಧ್ಯವೇ?
ಅ. 14ರಂದು ಸಂಭವಿಸುವ ವಾರ್ಷಿಕ ಸೂರ್ಯ ಗ್ರಹಣವು ಭಾರತದಲ್ಲಿ ಗೋಚರವಾಗುವುದಿಲ್ಲ. ಹೀಗಾಗಿ ಯಾವುದೇ ಸೂತಕದ ಅವಧಿ ಇರುವುದಿಲ್ಲ. ‘ಅಗ್ನಿಯ ವರ್ತುಲ’ ಎಂದು ಕೂಡ ಕರೆಯಲಾಗುವ ಈ ಸೂರ್ಯಗ್ರಹಣವು ಪಶ್ಚಿಮ ಗೋಳದಲ್ಲಿ ಕಾಣ ಸಿಗುತ್ತದೆ. ಸೂರ್ಯ ಮತ್ತು ಚಂದ್ರ ಒಂದೇ ಬಿಂದುವಿನಲ್ಲಿ ಬರುವ ಸಂದರ್ಭದಲ್ಲಿ ಸೂರ್ಯನ ಸುತ್ತಲಿನ ವರ್ತುಲದಲ್ಲಿ ಬೆಂಕಿ ಉರಿಯುವಂತೆ ಕಾಣಿಸುತ್ತದೆ.
ಅಮೆರಿಕದ ಪಶ್ಚಿಮ ಭಾಗ ಹಾಗೂ ಪೆಸಿಫಿಕ್ ಸಮುದ್ರದವರೆಗೆ ಸೇರಿದಂತೆ ಉತ್ತರ ಅಮೆರಿಕದಲ್ಲಿ ಸೂರ್ಯ ಗ್ರಹಣ ಗೋಚರಿಸುತ್ತದೆ. ಭೂಮಿಯ ಭಾಗದಿಂದ ಸಾವಿರಾರು ಕಿಮೀ ದೂರದಲ್ಲಿ ಸಂಭವಿಸುವುದರಿಂದ ಇದು ಭಾಗಶಃ ಗೋಚರಿಸುತ್ತದೆ. ಚಂದ್ರನ ವ್ಯಾಸವು ಬಹಳ ಚಿಕ್ಕದಾಗಿ ಇರುತ್ತದೆ. ರಾಜಧಾನಿ ದಿಲ್ಲಿಯ ಸಮಯದ ಪ್ರಕಾರ, ಇದು ರಾತ್ರಿ 11.29ಕ್ಕೆ ಆರಂಭವಾಗಿ, ರಾತ್ರಿ 11.34ಕ್ಕೆ ಅಂತ್ಯಗೊಳ್ಳುತ್ತದೆ.
ಉರಿಯುವ ವೃತ್ತದಂತೆ ಕಾಣಲಿದೆ ಈ ಬಾರಿಯ ಸೂರ್ಯಗ್ರಹಣ! ಎಲ್ಲಿ? ವೀಕ್ಷಣೆ ಹೇಗೆ?
ಚಂದ್ರ ಗ್ರಹಣದ ದಿನಾಂಕ ಮತ್ತು ಸಮಯ
ಚಂದ್ರ ಗ್ರಹಣದ ದಿನಾಂಕ: ಅಕ್ಟೋಬರ್ 28ರ ಶನಿವಾರ
ಗ್ರಹಣದ ಆರಂಭದ ಸಮಯ: ರಾತ್ರಿ 1.05 ಗಂಟೆ
ಗ್ರಹಣದ ಮುಕ್ತಾಯ: ರಾತ್ರಿ 2:24 ಗಂಟೆ
ಭಾರತದಲ್ಲಿ ಚಂದ್ರ ಗ್ರಹಣ ಕಾಣಿಸುತ್ತದೆಯೇ?
ಅ. 28ರ ಮಧ್ಯರಾತ್ರಿ ಸಂಭವಿಸುವ ಭಾಗಶಃ ಚಂದ್ರ ಗ್ರಹಣ ಭಾರತದಲ್ಲಿ ಗೋಚರಿಸುತ್ತದೆ. ಅಮೆರಿಕ, ಪಶ್ಚಿಮ ಯುರೋಪ್ ಮತ್ತು ಪಶ್ಚಿಮ ಆಫ್ರಿಕಾ ಸೇರಿದಂತೆ ಜಗತ್ತಿನ ವಿವಿಧ ಭಾಗಗಳಲ್ಲಿ ಕೂಡ ಕಾಣಿಸುತ್ತದೆ. ಸಂಪೂರ್ಣ ಚಂದ್ರ ಗ್ರಹಣವು ಅಂದಾಜು 15 ನಿಮಿಷಗಳವರೆಗೆ ಇರುತ್ತದೆ.
ಗರಿಷ್ಠ ಗ್ರಹಣದ ಸಂದರ್ಭದಲ್ಲಿ ಚಂದ್ರವು ದಿಗಂತದ 62 ಡಿಗ್ರಿ ಕೋನದಲ್ಲಿ ಇರುತ್ತದೆ. ಭಾರತದಲ್ಲಿ ಗರಿಷ್ಠ ಚಂದ್ರ ಗ್ರಹಣವು ರಾತ್ರಿ 1.45ರ ವೇಳೆಗೆ ಕಾಣಿಸುತ್ತದೆ ಈ ವೇಳೆ ಶೇ 12ರಷ್ಟು ಚಂದ್ರ ಬಿಂಬವು ನೆರಳಿನಂತೆ ಇರುತ್ತದೆ. ರಾಜಧಾನಿ ದಿಲ್ಲಿಯಲ್ಲಿ ರಾತ್ರಿ 11.31ಕ್ಕೆ ಚಂದ್ರ ಗ್ರಹಣ ಶುರುವಾಗುತ್ತದೆ. ಅದು ನಸುಕಿನ 3:36ಕ್ಕೆ ಕೊನೆಗೊಳ್ಳುತ್ತದೆ ಎನ್ನಲಾಗಿದೆ.
ಸೂರ್ಯ ಗ್ರಹಣವನ್ನು ಬರಿಗಣ್ಣಿಗೆ ವೀಕ್ಷಿಸುವುದು ಸಾಧ್ಯವಿಲ್ಲ. ಆದರೆ ಚಂದ್ರ ಗ್ರಹಣ ವೀಕ್ಷಣೆಗೆ ಸಂಪೂರ್ಣ ಸುರಕ್ಷಿತವಾಗಿದ್ದು, ಬರಿಗಣ್ಣಿಗೆ ನೋಡಬಹುದಾಗಿದೆ. ಈ ವಿದ್ಯಮಾನ ವೀಕ್ಷಣೆಗೆ ಯಾವುದೇ ವಿಶೇಷ ಸಾಧನದ ಅಗತ್ಯವಿಲ್ಲ.
